Dem wi chat yuh behine yuh bak
Anytime dem wi larnch di attak
Tru more time yuh jus a bil bak
Yuh nuh even haffi badda counteract
Offa fiyah dem caan tek yuh pot
A wha do dem likkle dutty duppy bat
Dem black an favor any bun up dutch pot
Tell dem com offa road an galong a house bak
Front page ano fi dem yuh nuh si dem a house rat
A talk dem a talk nutten but dat
Carse a casket if dem eva test a straight dovecot
A nuh even gunshot wi a use a straight lass chop
Wi nar promote nuh violence jus ago implement dat
Suh a betta yuh chill wen mi pass bak
Bill a good vibes an wat not
Now yuh si wha ina mi mine yuh did a pree dat?
Mi gawn a mi yard uno a edyat
Jay Mullings
About Jay Mullings
Jay is a Multiple Award-winning Screenwriter, Author, Blogger, Film Director and Founder of Written Mirror Ltd who wants to connect with audiences all over the world. Born in London but raised in Jamaica, Jay carries his experiences of both cultures and lends it to his work with his unique but authoritative voice which, he admits not seeing represented enough growing up.
Enquiries…
I can be reached for serious comment and article contributions via email jay@writtenmirror.com if it’s a formal request.
